【鳩嗚乜乜乜】啲衫唔乾 暖風乾衣架幫到手?

曬衣架

都係因為土地嘅問題，唔係個個屋企廚房都放得落乾衣機，所以多咗人用暖風乾衣架，用完拆起收埋。不過，消委會曾經測試市面5款暖風乾衣架及乾衣袋，發現全部效能都「油麻地」，就算乾衣3小時，全部樣本裡面嘅衫都未乾透，部分樣本衣物含水量仲高達49%，刻薄啲講句，真係用手扭都仲乾過佢呀。

至於用電量，5個樣本要乾透5.6公斤衣物，電費要$5至$7，所以消委會話一啲都唔算經濟。一部普通乾衣機，乾每公斤衣物嘅電費係$0.891，乾5.6公斤衣物都只係$4.98。昇降曬衣架

如果真係要用暖風乾衣架，都要小心，唔好開機後就咁走咗去呀。仲有，雖然乾衣架寫住「負重量」，有啲聲稱達10公斤，但消委會話其實係指衣架可承重量，唔等於可乾衣物重量，因為測試發現如果掛滿衫，乾衣時間會長好多，因為氣流唔夠暢通。

來源：香港蘋果